اعرف خطوتك الثانية,قبل ان تقدم على الخطوة الأولى!
Diss: اختصار لكلمة Disrespect يعني قلة احترام الشخص لشخص ثاني و في الراب يعني السب و التسفيل في ام من جابت اللي تتبارى معاه و تمدح في نفسك كأنك ما كان ولا حايكون مثلك, لها اختصار ثاني كمان disparaging يعني انك تهجوه او تذمه بطريقة فيها دعابة و تصغر من شأن خصمك و تضحك الناس عليه و تتريق عليه في نفس الوقت تفخر بنفسك و تترزز و انا سويت و انا قوي و الخ الخ, و كانوا يسوونها في سوق عكاظ في الجاهلية, راجعوا كتب البلاغة و الأدب حقت الثانوي في المدح و الفخر و الهجاء
Maltis: و هي اختصار Multiple Syllable Rhymes يعني القافية المركبةو و هي عظمة الظهر حقت اي فيرس و هي اللي تحمل الفلو في مجراه الصحيح و تعطيك لكمة اقوى لضربتك القاضية, المهارة هذي مهمة عشان تعتبر رابر صح و تستحق كلمة رابر, طبعا هذي المهارة ما يقدر اي احد يفهمها او يوصل لها من غير ما يتمكن من الراب بشكل بسيط من غير تعقيد بالاول يعني الرايم المكون من كلمة وحدة بس مش مركب, فاذا انت تمكنت من الرايم البسيط و تمكنت من نطقه بشكل سريع مع فلو ممتاز و وضوح في لفظ كل كلمة بشكل مفهوم رغم سرعتها و اللي تخلي اي مستمع يحس انه فعلا يسمع راب صح حتى لو كان مجرد كلمات بسيطة, بكذا تقدر تنتقل للمرحلة هذي و تستخدم المالتيس و تكون كذا وصلت للاحتراف
مثال:
Raisin answers that raise skepticism
For if we die, then whats left-to-livin?
They covet the grail & kept-it-hidden
Battling our demons like an exorcism
المالتيس هنا هم: skepticism/left to livin/kept it hidden/exorcism
تلاحظون انها نفس الوزن حتى لو كان مقطع مكون من كلمتين او اكثر اهم شي يكون نفس الوزن اللفظي, طبعا انا استخدمت علامات بين الكلمات عشان اعرف و انا اقولها كيف اقولها بنفس الوزن و اخليها للمستمع موزونة و موسيقية لأذنه
Vocabs: و هي اختصار Vocabulary و هي ببساطة المفردات اللغوية يعني افضل كلمات تقولها في الرايم حقك و اختيار الكلمات المناسبة مهم جدا في اي فن كتابي سواء راب او غيره, و في الراب اختار المفردات اللاذعة و الذكية خاصة في الباتلز
مثال:
The eyes send signals to the brain to comprehend color
هذي جملة بسيط ةو كلمات عادية, نجي نستخدم كلمات اذكى و لها وقع في الراب
Eyes signal the optic chasm to explain shades
هاه؟ ما تحس فيه قوة و تعقيد, مع انه نفس المعنى لكن المفردات اختلفت فاضفت عليه قوة و لا زلت تفهم نفس المعنى منه بس بشوية تركيز و تعقيد يعطيه هيبة و قوة و فوق كذا صار اقصر و اكثر ملائمة لتطلق عليه راب مو بس كلام
Metaz: اختصار لكلمة Metaphor و هي الكناية في اللغة العربية, مين ما يعرف وشو كناية؟! يعني تشبيه مثل لا قلت عن احد يا حمار انت ما تقصد انه هو فعلا حمار او الحيوان نفسه لكنك تقصد انه غبي في حالات و في حالات اخرى لا قالت الام لولدها يا حمار يعني مسوي شي غلط, هذا كناية لول
مثال:
~~
you hopelessly look for my flaws like a boy scout
and i'ma bring ya wife to clean your closet out
المعروف انهم لما يقولون clean my closet يعني يقول اللي كان مخبيه من اول بمعنى اخر ينشر الغسيل حقه, كمان نشر الغسيل اللي هو لما تغسل ملابسك و تنشرها فالعادة المتزوج زوجته هي اللي تنشر غسيله, فهنا استخدمت المعنى كناية عن اني اباجيب زوجته تنشر غسيله لكن مو تنشر غسيله ملابسه يعني لا قصدي تنشر غسيله يعني تفضحه زوجته نفسها,, يعني كأني واحد يعرف زوجته و هي اللي استخدمتها لفضحه,, المهم افهمو عاد>>> بالموت طلع معي اللاين ذا
Wordplay: التلاعب بالكلمات و هذي يبي لها مهارة و دهاء مو اي احد يعرف لها و هي اللي ترز الرابر و تخلي الرابرز الثانين يحترمونه و يقدرون موهبته, فاذا انت عندك هذي الموهبة فانت رابر حقيقي, غيره فانت خرطي و كل اللي تسويه صف كلمات و بس, اوكي
مثال:
~~
eat Twix, on wax flex, when vexed to catch flicks,
mix misstake text, with matrix, to get hexed
الشاطر يقول اللاين ذا بسرعة من غير ما يغلط هعععععع
------------------
: و هي اختصار Personal Punch يعني الشخصية حقت الرابر اللي تطلع في الرايمز حقه و امور شخصية متعلقة بالخصم برضو و طبعا هي تختلف في كل مرة تواجه خصم غير, و اهم الامور اللي تستخدمها ضد خصمك كـ Personal punch اللي هي, اسم الامستخدم >>> طبعا اتكلم هنا نظرا لكون المباريات كلها اونلاين و في منتديات زي زاحفين فكل رابر عنده يوزر نيم زيي يوزر نيمي ميستيك M!SsTaKe, و اذا ما كان في النت فلكل رابر اسم مستعار مثل الحين ففتي سينت مو اسمه ففتي سينت اسمه الحقيقي كورتيس جاكسون و امنم مو اسمه امنم ولا اسمه سليم شيدي اسمه مارشال ماذرز هذولي ما يستخدمون اسماءهم الحقيقية في الراب حقهم الا نادرا, غيرهم مثل توباك معروف باسمه الحقيقي لكن له برضو اسماء مستعارة مثل ماكافيلي ذا دون و غيره.
المهم, غير الاسم تقدر تستخدم حالة المستدخم (اذا في النت) زي هنا عضو بغبرة الوكالة و غيره ممكن تستخدمها ضد خصمك, و (برا النت) ممكن يكون خصمك توه مثلا صاحي من النوم او مثلا موتره مصدوم و كذا فهذي حاجات تستخدم ضد الخصم طبعا بذكاء مو بدلاخة و تذكر انك تضحك الناس عليه مو على نفسك, يعني مو تتريق على سيارته اذا عنده همر مثلا و انت عندك كراسيدا فهذا بيضحكهم عليك مو عليه الا اذا كان عندك همر اجدد او شكله اطلق وصلت؟..
طبعا فيه حاجات كثير شخصية ممكن تستخدمها و انت و خيالك عاد و تركيزك و مدى معرفتك بخصمك و مدى قوة المعلومات اللي عندك عنه, مثل اذا كان عنده تسجيلات من قبل او رايمز او مسوي مباريات و خاسر او حتى فايز ممكن تقول انت فزت بالغش او اي شي, عندك اذا كان منضم لعصابة او منظمة يعني انت و خيالك, و تذكر ان اللي تستخدمه في صالحك ممكن يستخدم ضدك هع, و كما تدين تدان, يعني لا تخليهم يقلبون السحر على الساحر يا بو
مثال:
مثلا لا صار الورع صغير بالسن تقول له زي كذا, مثال اوكي
~~
i ain't gon beef witcha, accordin' ta yer age
unless ya wan unleash dis lioness outta cage
ولا مثلا واحد مسوي فيها يمزح معك لكن انت تعرف انه من كثر مزحه حتى حبيبته تركته>>> صايرة فعلا لناس اعرفهم تيههييهيي
~~
yer actin' as sick as dat ol' slim shady
say shit think it's funny, das how ya lost ya lady
طبعا كلنا نعرف ان امنم ترك زوجته و الحين رجع لها, و رفعت عليه قضية من كثر ما حفل بها و تتريق عليها
Rhymes Scheme: خطة الرايم هي البناء الأساسي و كيف و وين تحط الرايمز في المقطع بمعنى آخر مثل دروس البلاغة خطة الرايم هي السجع و الوزن و القافية و وضعها الصحيح في بيت الشعر.
لحيلة هنا هي متى تنهي سطر و تبدأ بسطر جديد.
و عشان توصل لهذا لازم تحط في بالك عدة شروط و هي:
1- الوزن و الفلو Flow أو مستوى تدفق القصيدة و سهولة الجريان موافقة للي يبي الرابر يقوله من خلال القصيدة أو الرايم.
2- لازم تحاول تتجنب الأبيات المشدودة بشكل مبالغ فيه, و إذا كان لا بد أنك تسوي كذا لازم تراعي مستوى جريان قصيدتك أو الفلو الخاص بالرايم الخاص بك.
3- حاول كتابة سطور أقصر و حدد القصد اللي تحاول تقوله في بار Bar أو مقطع واحد من الرايم.
4- خل خطتك سهلة بالنسبة لك و لاقي الطول المناسب لسطورك من خلال قراءة و إعادة قراءة رايمك مرة بعد مرة
5- عدّل الرايم بحيث يكون كل سطر طوله مناسب لباقي سطور اللير- بشكل كامل, عدّل و عدّل لحد ما توصل للمستوى المطلوب من الانطلاق (الفلو) و الوزن و القافية.
6- حاول تلاقي له إيقاع و اقراه بشكل إيقاعي و حاول تتجنب استخدام نفس الكلمة في نهاية كل بار.
و مثل ما هو معروف فإن الراب أكثر ما يكون باللغة الانجليزية عساس كذا بتكون الأمثلة باللغة الانجليزية, مع العلم انه مممكن تكتب الراب بأي لغة بشرط توفر جميع الشروط الخاصة بالراب, بالإضافة إلى أن الراب أو أي فن ثاني يعتبر أدب و فن مثل الشعر تماماً و القصائد, حتى انه فيه قصائد في الجاهلية مثل شعر عنترة بن شداد و غيره في المدح و الهجاء تشبه كثيراً الدس Diss المعروف في الراب.
مثال لسطر مشدود:
You Cats Ain't Trendy, I'll rip through to Your Thorax Just to See If Ya 'Hip' Enough
حاول تخليه قصير و بسيط, و لازم تخلي الجمل المركّبة تبدو بسيطة و سهلة, و لما تعدل بيت شعر عشان خطة الرايم لاحظ متى لازم تتنفس و استخدم علامات الوقف الملائمة و الصحيحة
التنفس الصحيح و التحكم في النفس:
الكل يعرف كيف يتنفس طبعا و هذي حاجة ما تحتاج انك تفكر كيف تسويها, لكن هل تقدر تقول اربع سطور راب من غير ما تاخذ نفس؟! او من غير ما تقطع الكلمة الوحدة لنصين عشان تتنفس, نادرا تلاقي احد عنده المهارة هذي, لكن اي واحد فينا يبي يتعلم و عنده الرغبة القوية فيذا راح يقدر, هنا الطريقة, اهم شي انك تستخدم الحجاب الحاجز مش الرئتين, راقب طفل يبكي و شوف كيف معدته تتحرك و يستمر في البكاء ما يوقف ولا حتى يتنفس هذا لانه يستخدم الحجاب الحاجز في البكاء لفترة طويلة و هذا شي طبيعي في الانسان من ولادته لكن هالشي يتغير كلما كبرنا في العمر فنخسر هذي القدرة في التكلم لفترة طويلة او الصراخ لفترة طويلة من غير ما ناخذ نفس, المهم>>> اهم شي انك تتعلم كيف تتحكم بحجابك الحاجز بشكل صحيح, راح تقدر تستمر لوقت طويل من غير ما تلهث او ينقطع نفسك, طبعا مو معناته انك تسحب نفس طويييييل قبل لا تقول اللاين عشان تطول من غير ما تاخذ نفس لان مهما سويت و سحبته هوا راح يتجمع في رئتينك و يطلع مع الكلام و يخلص نفسك و توقف, الخدعة هنا انك تسحب نفس كافي يناسب طول اللاين اللي تبي تقوله لكن و انت تقوله حاول انك تنفخ حجابك الحاجز و تطلع الهوا شوي شوي يعني مو بسرعة مع الكلام لا خله جوا حجابك الحاجز و تعلم كيف تتحكم فيه, حاول تتدرب من خلال انك تقول مقطع راب طويل انت حافظه و خل معدتك مشدودة و طلع النفس شوي شوي مع الكلام من غير ما تأثر على سرعة الراب حقك, و ان شاء الله راح تتحكم في نفسك كويس
تنفس من انفك و فمك في نفس الوقت, يمكن يكون صعب في البداية لكن حاول مرة ورى مرة لحد ما تتحكم, كل السالفة في ذا العضلة اللي حول خصرك مش رئتك
امسك لك ورقة و حطها فوق فمك و انفخ عليها لفوق و شف كم ثانية تقدر تخليها من غير ما ينقطع نفسك هع هع
أنواع الرايم أو القافية:
Perfect Rhyme: اللي هو بالعربي الطباق التام مثل TrueBlue, Mountainfountain
Imperfect Rhyme: اللي هو الطباق الناقص مثل lap/shape, glorious/nefarious
Eye Rhyme: اللي هو التشابه في كتابة الكلمة في حروفها و تهجئتها مثل love/move/prove
Ritch Rhyme: الجناس اللفظي مثل blue/blew, guessed/guest
Assonant Rhyme: السجع و التوازن في القافية بتماثل في حروف العلة و اختلاف في الحروف الساكنة مثل dip/limp, man/prank
Consonant Rhyme:ع-اللي قبله التوازن في القافية بتماثل الحروف الساكنة و اختلاف في حروف العلة مثل limp/lump, bit/bet
Scarce Rhyme: الرايم النادر بكلمات لها خيارات محدودة في الرايم مثل whisp/lisp, motionless/oceanless
Macaronic Rhyme: اللي هو الرايم المتألق اللي يستخدم فيه الرابر أكثر من لغة وحدة يعني يخلط اسباني على انجليزي و لا عربي على انجليزي في نفس اللير-مثل glory/pro patria mori, sure/kreatur, queasy/civilisé, rap/5arab
اذا تمكنت من كل نوع و عرفت كل اسلوب و قدرت انك تمارسه بطلاقة فبكذا انت وصلت لمرحلة الاحترااااف
*صح الدرس كبير بس اخرو راح تصير